بائع اور مشتری جب ایجاب اور قبول  کرلیں توبیع تام ہو جاتی ہے ، تاہم اگر بائع اور مشتری باہمی رضامندی کے ساتھ بیع ختم کرنا چاہیں تو ختم کر سکتے ہیں، فقہائے کرام کی اصطلاح میں اس کو اقالہ کہتے ہیں،اور اقالہ میں یہ ضروری ہے کہ اقالہ ثمن اول پر ہو، لیکن اگر مبیع میں کوئی ایسا عیب پیدا ہو جائےجس کی وجہ سے مبیع کی قیمت میں کمی آجائے تو پھر بائع کے لیے اصل قیمت سے نقصان کے بقدر رقم کاٹ لینا جا ئز ہے۔

           صورت مسٔولہ میں اگر خریدار (زید) تین ماہ رکشہ استعمال کرکے واپس کرنا چاہے تو چونکہ عموما استعمال کی وجہ سے رکشہ کی قیمت کم ہو جاتی ہے اس لئے بائع (بکر) کے لیے شرعا جائز ہے کہ قیمت کے نقصان کے حساب سے مشتری سے رقم کاٹ لے ۔

الإقالة جائزة في البيع بمثل الثمن الأول۔۔۔فإن شرطا أكثر منه أو أقل فالشرط باطل۔(الهداية، كتاب البيوع، باب الاقالة، ج:3، ص:72)

وكذا إذا شرط الأقل لما بيناه إلا أن يحدث في المبيع عيب فحينئذ جازت الإقالة بالأقل؛ لأن الحط يجعل بإزاء ما فات بالعيب۔(الهداية، كتاب البيوع، باب الاقالة، ج:3، ص:72)

كل ما أوجب نقصان الثمن في عادة التجار فهو عيب"؛ لأن التضرر بنقصان المالية، وذلك بانتقاص القيمة والمرجع في معرفته عرف أهله۔(الهداية، كتاب البيوع، باب خيار الغيب، ج:3، ص:42)