واضح رہے کہ جب زمین کا کوئی حصہ باقاعدہ طور پر مسجد کی نیت  سے نمازیوں کے لیے خاص کیا جائے اور اس میں اذان واقامت کے ساتھ باجماعت نماز پڑھی جائے تو اس حصہ زمین کا حکم مسجد شرعی کا ہوگا۔

صورت مسئولہ  کےمطابق  جب  متولین  نے مدرسے  کے چھ مرلہ کی اراضی کو   مسجد  قرار دینے کی نیت سے خاص کیا اور اس میں اذان اور اقامت کر کے با جماعت نماز پڑھی گئی اور لوگوں کو بھی نماز پڑھنے کی اجازت  دی گئی تو اب مدرسے کا یہ حصہ مسجد شمار ہوگا اور یہ مسجد شرعی کے حکم میں ہو گا۔لہذا اس  مسجد کےحدود کو بنات کے مدرسے سے تبدیل کرنا جائز نہیں

(ويزول ملكه عن المسجد والمصلى) بالفعل و (بقوله جعلته مسجدا) عند الثاني (وشرط محمد) والامام (الصلاة فيه)بجماعة۔(الدر المختار على صدرردالمحتار،كتاب الوقف،ج:6،ص:544)

(ولو خرب ما حوله واستغنى عنه يبقى مسجدا عند الامام، والثاني) أبدا إلى قيام الساعة (وبه يفتى) حاوي القدسي۔(الدرالمختار على صدر ردالمحتار،كتاب الوقف،ج:6،ص:548)

(فإذا تم ولزم لا يملك ولا يعار ولا يرهن) (قوله: لا يملك) أي لا يكون مملوكا لصاحبه ولا يملك أي لا يقبل التمليك لغيره بالبيع ونحوه لاستحالة تمليك الخارج عن ملكه۔ (الدرالمختارمع ردالمحتار،كتاب الوقف،ج:6،ص:531)ُ