شریعت مطہرہ کی روشنی میں اگر منذورچیز کسی معین جگہ کے لوگوں کے ساتھ خاص کی جائے تو یہ تخصیص لازم نہیں ہوتی، بلکہ اس معین جگہ کے علاوہ دوسری جگہ کے لوگوں کو بھی وہ منذور چیز کھلانا درست ہے۔

           صورت مسئولہ میں اگر سائل نے بیٹے کی پیدائش پر معین مدرسہ کے طلبہ کو بکری ذبح کرکے کھلانے کی منت مانی تھی تو خواہ ان کو کھلائے یا دیگر فقراء و مساکین کو، دونوں صورتیں جائز ہیں۔لہذا محلہ کے غریب لوگوں میں تقسیم کرنا بھی جائز ہے۔

رجل قال: مالي صدقة على فقراء مكة إن فعلت كذا فحنث وتصدق على فقراء بلخ أو بلدة أخرى جاز ويخرج عن النذر.(الفتاوی الھندیة،کتاب الأیمان، ج:2، ص:72، دارالفکر)