سود قرآن و حدیث کی صریح نصوص میں حرام قرار دیا گیا ہے، اس لیے سود لینا،دینا یا اس میں کسی قسم کی معاونت کرنا شرعاً حرام ہے۔

        1۔ صورتِ مسئولہ کے مطابق چونکہ سودی بنکوں کے  PLS اکاؤنٹ سے ملنے والا منافع سود کے حکم میں ہے اس لیے کسی بھی سودی بنک کے PLS اکاؤنٹ میں رقم رکھوانا شرعاً جائز نہیں۔              

2        ،3۔ مسجد کی رقم کو محفوظ رکھنے کا بہتر طریقہ یہ ہے کہ اس کو کسی معتمد اور امانت دار شخص کے پاس بطور امانت رکھا جائے، تاہم اگر کوئی معتمد اور امین شخص موجودنہ ہو تواس کو کسی اسلامی بنک کے کرنٹ اکاؤنٹ میں رکھا جائے،البتہ جہاں کہیں اسلامی بنک کا برانچ موجود نہ ہو تو اس صورت میں روایتی بنک کے لاکر میں محفوظ کرلیا جائے اور اگر یہ صورت بھی ممکن نہ ہو تو پھر مجبوری کی بنا پر کرنٹ اکاؤنٹ میں رکھنے کی گنجائش ہے۔

قال الله تعالى: ﴿يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ﴾ (النساء:278)

عن ابن مسعود قال : لعن رسول الله صلى الله عليه و سلم آكل الربا وموكله وشاهدیه وكاتبه. (سنن الترمذي، كتاب البيوع، باب ما جاء في أكل الربوا، رقم الحديث:1206، ج:1ص229)