واضح رہے کہ جب بیع  میں کوئی ایسی شرط لگائی جائے جس میں بائع یا مشتری اور یا مبیع کا فائدہ ہو ،تو اس سے  بیع  فاسد ہو جاتی ہےاور بیعِ فاسد کو فسخ کرنا بائع اور مشتری دونوں پر لازم ہے۔نیز  قبضہ سے پہلے مشتری کی ملکیت مبیع پر ثابت نہیں ہوتی، لہذااس کو کسی قسم کے تصرف کا حق حاصل نہیں ہوتا اور  بیعِ فاسد سے فروخت کی ہوئی چیز جب  مشتری بائع کو واپس کردے تو  چاہے بیع کی ذریعے ہو یاہبہ اور عاریت وغیرہ کے ذریعےبہر حال اس سے سابقہ بیع فسخ ہوجائے گی ۔

          صورتِ مسئولہ میں زمین کو اس شرط کے ساتھ خریدنا کہ بائع اس میں پلاٹنگ کرے گا اور پلاٹنگ نہ کرنے کی صورت میں مشتری کو  دوسری جگہ پلاٹنگ میں اتنی زمین  حوالہ کرے گا بیعِ فاسد ہے، لہذا حسب بیان چونکہ زمین اب تک مشتری کو حوالہ نہیں کی گئی ہے، اس لیے ملکیت نہ پائے جانے کی وجہ سے مشتری کے لیے  اس زمین کو بیچنا بھی جائز نہیں۔نیز بائع کو واپس بیچنے سے سابقہ  بیع فسخ ہوگئی، اس لیے مشتری کے لیے اتنے ہی پیسے ملیں گے جتنے اس نے دیےہیں، اس زیادہ پیسے لینا اس کے لیے جائز نہیں۔

وكل شرط لا يقتضيه العقد وفيه منفعة لأحد المتعاقدين أو للمعقود عليه وهو من أهل الاستحقاق يفسده۔۔۔۔ قال ومن اشترى ثوبا على أن يقطعه البائع ويخيطه قميصا أو قباء فالبيع فاسد لأنه شرط لا يقتضيه العقد وفيه منفعة لأحد المتعاقدين ولأنه يصير صفقة في صفقة على ما مر۔(الهداية، کتاب البيوع، باب البيع الفاسد،116/5)

وأما شرائطه فاثنان أحدهما القبض فلا يثبت الملك قبل القبض لأنه واجب الفسخ رفعا للفساد وفي وجوب الملك قبل القبض تقرر الفساد۔(بدائع الصنائع، كتاب البيوع، فصل في حكم البيع،ج:7، ص:377)

ولو رد المشتري المبيع على بائعه في الشراء الفاسد انفسخ العقد على أي وجه رد عليه ببيع أو هبة أو صدقة أو بعارية أو وديعة۔(الفتاوى الهندية، كتاب البيوع، الباب الحادي عشرفي أحكام البيع الغيرالجائز، ج:3،ص:149)