شرعی نقطہ نظر سے جن اسباب کی وجہ سے کسی عورت کے ساتھ نکاح کرنا حرام رہتا ہے ،ان اسباب کے موجود نہ ہونے کی صورت میں اس عورت کے ساتھ نکاح جائز رہے گا۔

          صورتِ مسئولہ میں اگر مذکورہ عورت کو اس کا شوہر طلاق دے دے اور شوہر کے نئے سسر کے ساتھ اس عورت کاکوئی  نسبی ، رضاعی وغیرہ ایسا  رشتہ نہ ہو جس کی وجہ سے نکاح حرام ہو اور شوہر کے طلاق دینے کے بعد عدت بھی گزرجائے ،تو چونکہ داماد کی سابقہ بیوی ہونا حرمت کے اسباب میں سے نہیں ،لہذا اس عورت کے ساتھ نکاح کرنا جائز ہوگا،تاہم خواہ مخواہ ایسی منصوبہ بندی کرکے بیوی کو طلاق دے کر کسی کے نکاح میں دینا شریعت کی رو سے مناسب نہیں۔

 وقوله: {وأحل لكم ما وراء ذلكم} أي: ما عدا من ذكرن من المحارم هن لكم حلال۔(تفسير ابن كثير ، سورة النساء/24 ، ج: 1 ص: 619)

أسباب التحريم أنواع: قرابة، مصاهرة، رضاع، جمع، ملك، شرك، إدخال أمة على حرة، فهي سبعة: ذكرها المصنف بهذا الترتيب وبقي التطليق ثلاثا، وتعلق حق الغير بنكاح أو عدة۔(الدرالمختار ، كتاب النكاح ، فصل في المحرمات ، ج: 4 ص: 99)