شرعی نقطہ نظر سے دودھ پینے والے بچے یا بچی  کے لیے دودھ پلانے والی  عورت اور اس کے اصول و فروع سے نکاح جائز نہیں ،اور  یہ حرمت اس دودھ پینے والے کے ساتھ خاص ہے ، اس کے دوسرے بہن بھائیوں کے لیے اس مرضعہ اور اس کے اصول و فروع کےساتھ نکاح  کرنا جائز ہے ۔

         صورت مسئولہ میں  سعدیہ کا اپنی نسبی بہن کےرضاعی بھائی  فیض اللہ  کے ساتھ نکاح جائز ہے ،بشرطیکہ حرمت کی کوئی اور وجہ نہ ہو۔

ولو أرضعت أمه جارية لها أخوة وأخوات كان له أن يتزوج أخوات تلك الجارية لأن التي أرضعتها الأم أخته من الرضاعة ولا سبب بينه وبين أخواتها(المبسوط للسرخسى،باب تفسير لبن الفحل،ج:3،ص:301)