واضح رہے کہ کسی کا مال باطل طریقے سے حاصل کرنا اور اس سے کاروبار کرنا شرعا جائز نہیں، تاہم اگر کوئی شخص لاعلمی میں حرام مال حاصل کرکےاس سے کاروبار کر کے نفع کمائے تو اگر چہ اس کا یہ عمل ناجائز ہے لیکن یہ نفع اس کے لیے حلال ہوگا، البتہ اصل سرمایہ کےبقدر مال اس کے مالک کو واپس کرنا ضروری ہوگا،اگر مالک معلوم نہ ہو تو کسی فقیر کو بلا نیت ثواب صدقہ کرنا ضروری ہے۔ لیکن واضح رہے کہ یہ حکم حرام مال سے خلاصی کے طور پر ہے، چنانچہ قصداً و عمداً کسی کا مال باطل طریقے سے حاصل کرکے اس سےتجارت وغیرہ کرنا کسی صورت میں جائز نہیں۔

            صورت مسئولہ کے مطابق والد کا بیٹی کی شادی میں لڑکے والوں سےمہر کے علاوہ اپنے لیے کچھ رقم لینا اور اس سے کاروبار کرنا شرعاً جائز نہیں، تاہم اس کاروبار سے جو منافع حاصل کرکے جائیداد بنا لی ہے تو وہ اس کے لیے حلال ہے۔ البتہ اصل سرمایہ اس کے مالک کو واپس کرنا ضروری ہے۔

غصب حانوتا واتجر فيه وربح يطيب الربح كذا في الوجيز للكردري. (الفتاوى الهندية، كتاب الغصب، الباب الثامن، ج:5/ ص:142)