واضح رہے کہ اگر کسی بھی شعبے کا لائسنس یا ڈگری جو کسی شخص کو حکومت کی طرف سے جاری کیا جاتا ہےتو وہ اس شخص کے لیے اس شعبے کو اختیار کرنے کا اجازت نامہ ہوتا ہے،کسی اورکے لیے اس لائسنس کو استعمال کرنے کی قانونا اجازت نہیں ہوتی  اور حکومت کی ایسی جائز پابندیاں  جو مفاد عامہ کی مصلحت میں ہوں ان کی پاسداری کرنا شرعا بھی لازم ہوتی ہے اور اس کی خلاف ورزی   جائز نہیں ہوتی ،لہذا میڈیکل سٹور چلانے کے لیے لائسنس کی قانونی شرط چونکہ عوامی مصلحت کی خاطر لگائی گئی ہے،تاکہ کوئی ایسا شخص میڈیکل سٹور نہ چلا سکے جو ادویات  کی پوری پہچان نہ رکھتا ہو،کیونکہ  غیر تربیت یافتہ شخص کے میڈیکل سٹور چلانے کی وجہ سے لوگوں کی صحت اور زندگیوں کو سنگین قسم کے خطرات لاحق ہو  سکتے ہیں،اس لیے میڈیکل سٹور چلانے  کے لیے لائسنس کا اہتمام ضروری ہے۔

          صورت مسئولہ میں1۔کسی شخص کے لیے جائز نہیں کہ کسی کو فارمیسی کھولنے کے لیے صرف لائسنس دیدے،بلکہ اس پر لازم  ہےکہ عملاً اس کی نگرانی بھی کرے۔

2۔اگرلائسنس دینے والا  باقاعدہ ہر روز فارغ وقت میں فارمیسی  میں کام کرتا ہے تو کام کے بدلے تنخواہ لینا اس کے لیےجائز اور درست ہے، لیکن  اگر محض لائسنس کی وجہ سے اس کو تنخواہ دی جاتی ہے تو پھر جائز نہیں،کیونکہ لائسنس  حکومت کی طرف سے ایک اجازت نامہ ہے کوئی مال نہیں جس کو اجارہ پر دیا جاسکے۔

3۔اگر میڈیکل سٹور والا صحیح دوائیاں مناسب ریٹ پرفروخت کرتا ہو تو اس کے لیے اس سے حاصل شدہ نفع  حلال ہے،لہذا لائسنس  دینے والے پر بھی اس حوالے سے کوئی گناہ نہ ہو گا ۔

قال اللہ تعالی: ﴿وَلَا تَعَاوَنُوا عَلَى الْإِثْمِ وَالْعُدْوَانِ﴾(سورةالمائدة،آيت نمبر:2)

وقال: ﴿وَاجْتَنِبُوا قَوْلَ الزُّورِ﴾(سورة الحج،آيت نمبر:30)

والأجرة انما تكون في مقابلة العمل۔(ردالمحتار على الدر المختار،كتاب النكاح،مطلب:أنفق على معتدةالغير،ج4،ص305)

تصرف الإمام على الرعية منوط بالمصلحة۔(الأشباه والنظائر لابن نجيم،القاعدة الخامسة،ص62)

وبهذا علم أن أمر القاضي لا ينفذ إلا إذاوافق الشرع۔(شرح الأشباه والنظائر،القاعدة الخامسة،ص333،مكتبه اسلاميه)