محدثین حضرات کی تشریح کے مطابق توبہ کی فضیلت  میں وارد ہونے والی عبد اللہ بن مسعودرضی اللہ عنہ  کی روایت "التائب من الذنب كمن لا ذنب له" میں تائب کی تشبیہ اس شخص کے ساتھ جس نے کوئی گناہ  نہ کیا ہو ، یہ عدمِ مؤاخذہ میں ہے ۔ یعنی قیامت کے دن سچے دل سے توبہ کرنے والے کا اس گناہ کی وجہ سے مؤاخذہ نہیں ہوگا جیسا کہ گناہ نہ کرنے والے کا مؤاخذہ نہیں ہوگا ، لیکن اس کا یہ مطلب ہرگز نہیں کہ مؤاخذہ نہ ہونے سے اس گناہ کا وقوع ہی غیر مسلم بن جائےاور اس کے فاعل کے لیےاس فعل سےانکار کی گنجائش پیدا ہو جائے۔

            لہذا صورتِ مسئولہ میں اگر کوئی گناہ گار شخص سچے دل سے توبہ کر لے تو گناہ تو معاف ہو جائیں گے، لیکن گناہ کا فعل بہرحال اس سے صادر ہوچکا ہے اس لیے ایسے شخص کے لیے یہ قسم کھانا جائز نہیں کہ میں نے فلاں گناہ نہیں کیا ہے۔

وعن عبد الله بن مسعود قال قال رسول الله (التائب من الذنب) أي توبة صحيحة (كمن لا ذنب له) أي في عدم المؤاخذة۔(مرقاة المفاتيح، باب الإستغفار و التوبة، الفصل الثالث، ج:5،ص:196)