اس میں کوئی شک نہیں کہ مال اسباب کے دائرے میں انسانی ضروریات کا مدار ہےجس کا کسب  نہ صرف شریعت نے جائز قرار دیا ہے بلکہ ضرورت کی حد تک اس کی ترغیب بھی دی ہے ۔ لیکن اس کے ساتھ ایسی شدید  محبت رکھنا  بلاشبہ مذموم ہے،جس سے بندہ  اللہ کی یاد اور احکامات سے غافل ہو جائے یاحلال و حرام کی کوئی پرواہ نہ رکھے ، اس صورت میں  مال ایک وبال اور فتنہ بن جاتا ہے۔ تا ہم اگر ایسی شدت کی صورتِ حال پیدا نہ ہو تو مال کی طرف محض فطری میلان اور محبت باعثِ مذمت نہیں۔

            صورتِ مسئولہ میں سورۃ عادیات کی آیتِ کریمہ﴿وإنه لحب الخير لشديد﴾ مذمت کے سیاق میں نازل ہوئی ہے، چنانچہ اس سے ماقبل آیات میں انسان کی ایک مذموم خصلت(ناشکری)کا تذکرہ ہے کہ انسان اپنے رب کی نعمتوں کا ناشکرا ہےاور وہ اپنے اس فعلِ قبیح سے واقف بھی ہےاور پھر اسی پر عطف کرتے ہوئے اس کی دوسری بری خصلت (حبِ مال) کا تذکرہ کیا گیاہے، اور اس کے بعد ﴿أَفَلاَ يَعْلَمُ إِذَا بُعْثِرَ مَا فِي الْقُبُورِ﴾میں تذکیر بمابعدالموت کے ذریعے ان مذموم خصلتوں سےانسان کو ڈرایا گیاہے۔ جب یہ معلوم ہوا کہ یہ آیتِ کریمہ مال سے شدید محبت پر مذمت کے بیان میں ہےتو پھر اس سے یہ استدلال درست نہیں کہ مال کے ساتھ شدید محبت باعثِ مذمت نہیں۔

قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «لُعِنَ عَبْدُ الدِّينَارِ، وَلُعِنَ عَبْدُ الدِّرْهَمِ».

قوله ( لعن عبد الدينار ) أي طرد وأبعد ۔۔۔ وقال الطيبي خص العبد بالذكر ليؤذن بانغماسه في محبة الدنيا وشهواتها كالأسيرالذي لا يجد خلاصا ۔ (تحفة الأحوذی شرح جامع الترمذی، أبواب الزھد، ج:7/ص:38)

ثم في تفسيرها وجوه...وثانيها أن يكون المرادمن الشديدة القوي ويكون المعنى إنه لحب المال وإيثار الدنياوطلبها قوي مطيق وهو لحب عبادة الله وشكر نعمه ضعيف. (التفسیر الکبیر للامام الرازی، سورۃ العادیات، الآیة:9 ج:11/ص:262)