جوشخص شرعی سفر کی نیت سے سفر شروع کرے تو وہ اپنے شہر کی حدود سے نکلنے کے بعد مسافر متصور ہوگا، اور جب تک کسی جگہ پندرہ دن یا اس سے زائد ٹھہرنے کی نیت نہ کرے مسافر ہی رہے گا۔

          صورت مسئولہ میں ہنگو چونکہ پشاور سے شرعی سفر کی مقدار پر دور ہے،اس لیے جائےملا زمت یعنی پشاور میں جب تک پندرہ دن یا اس سے زیادہ اقامت کی نیت نہ کی ہو، بلکہ ہفتہ وار آنا جاناہو تو پشاور میں مسافر کے حکم میں ہو کر  قصر کرے گا،البتہ اگرایک دفعہ مقیم بن جائے تو پھر ہفتہ وار آنے جانے سے فرق نہیں پڑتا، جب تک ملازمت ہو تو پشاور میں مقیم متصور ہوگا۔

من خرج من عمارة موضع إقامته قاصدامسيرة ثلاثة ايام ولياليها۔۔۔صلی الفرض الرباعي ركعتين۔۔۔حتی يدخل موضع مقامه أو ينوي إقامة نصف شهر۔(تنويرالأبصارعلی صدرردالمحتار،كتاب الصلوة،باب المسافر،ج2ص605،604،601،599)