واضح رہے کہ والد جو چیز اپنی زندگی میں کسی بیٹے یا بیٹی وغیرہ کو بلاعوض تملیکاً دیتا ہے وہ شرعاً ہبہ کے حکم میں داخل ہوتا ہے، جو ایجاب و قبول کے بعد قبضہ کرنے سے تام ہو جاتا ہے،چنانچہ جو چیز والد اپنی زندگی میں  کسی بیٹے کو تملیکاً دےاور بیٹا اس پر قبضہ کرلے، وہ چیز والد کی ملکیت سے نکل کر بیٹے کی ملکیت میں داخل ہوجاتی ہے، لہذا والد کی وفات  کے بعداس کو اس کے حصۂ میراث میں حساب نہیں کیا جائے گا ۔

           صورت مسئولہ کے مطابق والد نے  زندگی میں اپنے بیٹے کو جوزمین وغیرہ دی تھی اور بیٹے نے اس پر والد کی زندگی میں ہی قبضہ کرکے فروخت کر دیا تھا،تواب اس کو اس بیٹے کے حصۂ میراث میں حساب نہیں کیا جاسکتا۔

 (وتتم) الهبة (بالقبض) الكامل ۔ (الدر المختار علی صدر ردالمحتار، کتاب الہبۃ)

أَمَّا أَصْلُ الْحُكْمِ فَهُوَ ثُبُوتُ الْمِلْكِ لِلْمَوْهُوبِ له في الْمَوْهُوبِ من غَيْرِ عِوَضٍ۔ (ردالمحتار علی الدرالمختار، مطلب مہم فی قول الواقف علی  الفریضۃ الشرعیۃ،۶/۶۶۴)