واضح رہے کہ لےپالک بیٹا یا بیٹی کی حیثیت حقیقی اولاد کی نہیں ہوتی اس لیے ان   پر حقیقی اولاد کے احکام جاری نہیں ہوتے ۔ چنانچہ شرعاً یہ لازم ہے کہ ان کی نسبت اپنے حقیقی والد کی طرف کی جائے ، اسی طرح وہ  اپنے حقیقی والد کی میراث میں وراثت کے مستحق ہوں گے۔ گود لینے والے شخص کی میراث  میں لےپالک کا کوئی حق حصّہ نہیں ہوتا۔

اس مختصر تمہید کے بعد آپ کے سوالات کے جوابات یہ ہیں کہ:

 آپ کی بیٹی کا آپ كے بهائى کی طرف نسبت کرنا درست نہیں ، لہذا اس لے پالک بچی کو سائل یعنی  حقیقی والد کی طرف نسبت کر کے پکارا جائے۔

مسؤلہ صورت میں چونکہ لے پالک بیٹی  رشتہ کے اعتبار سےمرحوم كى  بھانجی ہے، اس لیے یہ ذوی الارحام میں سے ہے۔اور  چونکہ  سائل کے فوت شدہ بھائی ( اکبر خان )کے بہن بھائی  اور بیوی موجود ہیں، اس وجہ سے لےپالک بیٹی كا میراثميں كوئى حصّہ نہیں بنتا۔ تاہم  اگر ورثا اپنی رضامندی سے اس لے پالک کو کچھ دینا چاہیں تو دے سکتے ہیں، لیکن دینا لازم نہیں۔

قال اللہ تعالیٰ :﴿ادعوھم لآبائھم ھو اقسط عند اللہ۔﴾(سورة الأحزاب:05)

فیبدأ بذی الفرض ثمّ  بالعصبة النسبیّة ثمّ بالعصبة السببیّة ۔۔۔۔۔ ثمّ ذوالأرحام۔( الفتاوی الھندیّة، کتاب الفرائض،ج6،ص440، دارالفکر)