واضح رہے کہ محدثین کرام ؒ کے اقوال و تصریحات کے مطابق یہ عبارت "وَالَّذِي نَفْسِي بِيَدِهِ الخ"نبی کریم ﷺ کے ارشاد کا حصہ نہیں ، بلکہ یہ عبارت ابوہریرہؓ کا قول ہے ، کہ اگر جہاد فی سبیل اللہ حج اور والدہ کی اطاعت نہ ہوتے تو میں اس بات کو پسند کرتا کہ غلام ہوکر مروں ، کیونکہ آپ ﷺ نے یہ فضیلت بیان فرمائی ہے کہ اس کو دہرا اجر ملے گا۔  علامہ داودی ؒ، ابن بطالؒ، عبداللہ بن مبارک ،ؒ ابن وہب ؒ، ابو عوانہ ؒوغیرہ کئی محدثین کرام نے اسی قول کواختیار کیا ہے کہ یہ ابو ہریرہؓ کی طرف سے ادراج ہے آپ ﷺ کا ارشاد نہیں ، اور اس کی ایک واضح دلیل یہ ہے کہ یہاں پر " وَبِرُّ أُمِّي"(ماں کے ساتھ حسن سلوک )کا بھی تذکرہ ہے ، حالانکہ آپ ﷺ کی والدہ آپ ﷺ کے بچپن میں ہی فوت ہوگئی تھی ، جبکہ ابوہریرہؓ کی والدہ حیات تھی  ۔

نیز کسی چیز کی خواہش اور تمنا کرنے سے یہ لازم نہیں آتا کہ اس چیز کی تمنا بشمول جمیع صفات و لوازمات مطلوب ومقصود ہو ، بلکہ کسی خاص صفت کی وجہ سے بھی کسی چیز کی خواہش ظاہر کی جاتی ہے ، چنانچہ یہاں بھی غلامی کی تمنا اس کے تمام صفات و لوازمات کو سامنے رکھتے ہوئے نہیں کی گئی ہے ، بلکہ صرف دہرا اجر ملنے کی بنیاد پر یہ خواہش ظاہر کی گئی ہے ، کیونکہ اس حدیث میں آپ ﷺ کا ارشاد منقول ہے کہ جو غلام صالح ہو تو اس کے لیے دو اجر ہیں ، ایک صالح ہونے کی وجہ سے اور ایک مالک کی خدمت کی وجہ سے ۔

قلت: لَو اطلع الْكرْمَانِي على مَا اطلع عَلَيْهِ من يَدعِي الإدراج لما تكلّف هَذَا التَّأْوِيل المتعسف، وَقد صرح بالإدراج الْإِسْمَاعِيلِيّ من طَرِيق آخر عَن عبد الله بن الْمُبَارك بِلَفْظ: وَالَّذِي نفس أبي هُرَيْرَة بِيَدِهِ ... إِلَى آخِره۔(عمدة القاري ، كتاب العتق وفضله ، ج:14 ص: 101)

هو كلام مزيد على الحديث من أبي هريرةؓ، وليس من كلامه ۔ صلى الله عليه وسلم ۔وحاصله :أن فضيلة أداء الحق سيّده وحق مولاه الحقيقي فضيلة لا تدرك حقيقته ، ولولا أنّ الفضائل الأخر الّتي تضاد فضائل العبد ، كبرّ الوالدين والجهاد وغيرهما ممّا لايمكن للعبد الاشتغال بها لكونه محبوسا في حقّ المولى لأحببت أن أحرز معها فضيلة العبدية لكن ما بينهما من التضاد والخلاف قصرني عنها ، وليسں المعنى مزية فضيلة العبد على جملة ما سواها من الفضائل إذا انضمت معها هذه الفضائل أيضا۔(لامع الدراري ، أبواب العتق ، ج: 8 ص: 402)