واضح رہے کہ وہ شخص جو صرف مستاجر (جس نے اجرت پر رکھا ہو)ہی کے واسطے کام کرنے کے لیے اجارہ پر رکھا جائے جیسے تنخواہ دار ملازم یا مزدور وہ اجیر خاص کہلاتا ہے۔اجیر خاص کے متعلق حکم یہ ہے کہ اگر کوئی چیز اس کی غفلت کے بغیر اس سے ضائع ہو جائے تو اس پر تاوان لازم نہیں ہوتا۔

      لہذا صورت مسئولہ کے مطابق ہوٹل میں کام کرنے والے مزدور اجیر خاص کے حکم میں ہیں ،اگر کوئی نقصان ان کی غفلت کے بغیر ان سے سرزد ہو جائے تو اس  نقصان کا تاوان ان سے لینا جائز نہیں۔

"والأجير الخاص: من يقبل العمل من واحد."(المحيط البرھانی،  كتاب الإجارات، الفصل الثامن والعشرون: في بيان حكم الأجير الخاص والمشترك، ج: 9، ص: 313، المکتبۃ الغفاریۃ)

"من حكم الأجير الخاص، أن ما هلك على يده من غير صنعه فلا ضمان عليه بالإجماع، وكذلك ما هلك من عمله المأذون فيه فلا ضمان عليه بالإجماع."(أيضاﹰ ج وص:314)