واضح رہے کہ اگر شوہر کاتب سے کہے کہ میری بیوی کو  طلاق لکھ دے تو یہ اس کی طرف سے  طلا ق کا اقرار ہے  جس کے کہنے سے ایک طلا ق ِرجعی واقع ہو جاتی ہے ۔

           صورت ِمسؤلہ کے مطابق اگر سائل نے  دوسرے شخص کو یہ الفاظ " میں نے اپنی بیوی کو  طلا ق دی ہے "ایک مرتبہ کہہ کر لکھنے کا حکم دیاہو ،تو شرعاً مذکورہ الفاظ کے کہنے سے  ایک  طلاق ِرجعی  واقع ہو چکی  ہے،اس کے بعد اگر شوہر نے اسی طلاق کا اقرار متعدد لوگوں کے سامنےتو اس سے مزید طلاقیں واقع نہیں ہوں گی ،لہذا  اگر  عدت ِطلاق نہ گزری ہو تو شوہر کو عدت کے اندر اندر  رجوع  کا حق حاصل ہے  چنانچہ رجوع کرکے  بیوی کو  واپس  اپنے گھر  لا سکتا ہے۔لیکن اگر عدت پوری ہو چکی ہو تو اس صورت میں باہمی رضامندی  سے تجدید ِنکاح  کرکے ازدواجی تعلقات  قائم کیے جاسکتے ہیں۔

 ولو قال للكاتب اكتب طلاق امرأتي كان إقرارا بالطلاق وإن لم يكتب۔(رد المحتار،كتاب الطلاق،مطلب  فی الطلاق بالکتابۃ،ج4ص456 )

إذا طلق الرجل تطليقة رجعيةأوتطليقتين،فله أن يراجعها في عدتها۔(الهداية،كتاب الطلاق ،باب الرجعة،ج2ص405)