واضح رہے کہ بیوی کو آزاد کرنے کے الفاظ جس علاقے کے عرف میں صرف طلاق دینے کے لیے ہی استعمال ہوتے ہوں تو وہاں یہ الفاظ صریحی طلاق کے حکم میں داخل ہوں گے ۔

لہذا صورت مسئولہ میں مستفتی اپنے علاقے کے مستند علماے کرام اور مفتیان کرام سے معلوم کرے،اگر مذکورہ الفاظ "تو میرے کام سے آزاد ہے"وہاں  کے عرف میں طلاق کےلیے استعمال ہوتے ہوں تو اس سے اس کی بیوی پر ایک طلاق رجعی واقع ہو گی ،اور اگر  وہاں کےعرف میں طلاق کے لیے استعمال نہ ہوتے ہوں تو  الفاظ کنائی  ہونے کی وجہ سے اس سےایک طلاق بائن واقع ہو گی۔

 وفي الملتقط:ولو قال :رها كر دمت!مضافا الى المرآة فهو صريح يوجب الرجعة ولا يصدق    أنه لم ينو به الطلاق خصوصا  عند مذاكرة الطلاق.(الفتاوى التاتارخانية،كتاب الطلاق،الفصل الخامس في الكنايات،4/465، الرشیدیۃ)

فإذا قال " رهاكردم " أي سرحتك يقع به الرجعي مع أن أصله كناية أيضا۔(ردالمحتار علی الدر المختار،کتاب الطلاق،باب الکنایات،4/530، دارالکتب العلمیۃ)