شرعی نقطہ نظر سے  اپنے ورثاء کے علاوہ دیگر لوگوں کے حق میں کل مال کے ایک تہائی کی وصیت کرنا جائز ہے، جبکہ اپنے کسی وارث کے حق میں وصیت کرنا شرعاً درست نہیں۔

صورت مسئولہ میں باپ کا اپنی اولاد کی حق میں جائیداد تقسیم کر نے کی وصیت شرعاً درست نہیں، چنانچہ مرحوم کا بقیہ ترکہ تمام ورثاء  میں میراث  کے اصولوں کے مطابق تقسیم کیا جائے گا۔

قال رسول اللہ : "إِنَّ اللَّهَ قَدْ أَعْطَى كُلَّ ذِي حَقٍّ حَقَّهُ فَلَا وَصِيَّةَ لِوَارِثٍ"(سنن ابی داود۔ کتاب الوصایا۔  باب ما جآء فی وصیۃ للوارث۔ ج:2 ۔ ص: 40 ۔ ایچ، ایم سعید کمپنی۔)

"ولا تجوز الوصية للوارث عندنا إلا أن يجيزها الورثة"( الفتاوی الہندیۃ۔ کتاب الوصایا۔ الباب الاول فی تفسیرھا۔ ج:6 ۔ ص:  106۔ دارالفکر۔)