واضح رہے کہ جب طلاق کسی شرط کے ساتھ معلق کی جائے تو شرط کے پائے جانے سے طلاق واقع ہوگی اور اگر شرط نہ پائی جائے تو طلاق واقع نہیں ہوتی ۔ صورت ِمسؤلہ کے مطابق اگر شوہر نے اپنی بیوی کو مارا اور والدین کے گھر جانے سے منع کیا،لیکن بیوی والدین کے گھر جانے پر ضد کررہی تھی تو اگر شوہر نے واقعی اس طرح کہا ہو کہ "اگرتم گھر سے نکلی تو تم مجھ پر تین پتھرو ں کے ساتھ طلاق ہو"اور اس کے بعد بیوی گھر سے نکل کر ڈاکٹر کے پاس گئی ہو تو چونکہ اس صورت میں شرط(گھر سے نکلنا)وجود میں آچکی ہے ،اس لیے بیوی تین طلاقوں کے ساتھ مغلظہ ہو کر شوہر پر حرام ہو چکی ہے ۔

وإذا أضافه إلى الشرط وقع عقيب الشرط اتفاقا مثل أن يقول لامرأته إن دخلت الدار فأنت طالق۔(الفتاوى الهندية،كتاب الطلاق،الباب الرابع في الطلاق بالشرط،ج1ص420)