شرعی نقطہ نظر سے عقدِ اجارہ میں مستاجر (کرایہ دار ) کرایہ پر لی گئی چیز کے صرف منافع کا مالک ہوتا ہے ، جبکہ اس  چیز کی ملکیت مؤجر( کرایہ پر دینے والے ) کے پاس ہی رہتی ہے ، اسی وجہ سے مستاجر ( کرایہ دار) کے لیے اس چیز میں ایسے تصرفات کی اجازت نہیں جن کے لیے کسی چیز کے عین کا  مالک ہونا ضروری ہوتا ہے ، چنانچہ کرایہ دار کے لیے اس چیز کو فروخت کرنا یا وقف کرنا جائز نہیں ۔

       لہذا صورت مسئولہ میں حکومت پاکستان کے ادارے SITEسے لیز پر لی ہوئی زمین کو  وقف کرنا درست نہیں، اس لیے کہ موقوفہ چیز کا وقف کرتے وقت واقف کی ملکیت میں ہونا ضروری ہے ، اور لیز پرلی گئی زمین لیز پر لینے والے کی ملکیت میں داخل نہیں ہوتی ۔

الإجارة عقد يرد على المنافع بعوض ؛ لأن الإجارة في اللغة بيع المنافع۔ (البناية في شرح الهداية ، كتاب الإجارات ، ج:9 ص:268، مكتبة رشيدية )

ومنها الملك وقت الوقف حتى لو غصب أرضا فوقفها ثم اشتراها من مالكها ودفع الثمن إليه أو صالح على مال دفعه إليه لا تكون وقفا كذا في البحر الرائق رجل وقف أرضا لرجل آخر في بر سماه ثم ملك الأرض لم يجز وإن أجاز المالك جاز عندنا كذا في فتاوى قاضي خان ولو أوصى الرجل بأرض فوقفها الموصى له بها في الحال ثم مات الموصي لا تكون وقفا۔( الفتاوى الهندية، كتاب الوقف، الباب الاول، ج:2 ص:346 دارالفكر )