شریعت ِ مطہرہ کی رو سے   مہر کی ادائیگی خاوند کی ذمہ داری ہے ،البتہ اگر سسر،ساس  یا کوئی اور  شخص  اس کی طرف سے مہر ادا کرنے کی ذمہ داری قبول کر کے ادائیگی کرے تو اس سے بھی شوہر کا ذمہ فارغ ہو جاتا ہے ۔

                صورت ِمسؤلہ میں اگر ساس نے بیٹے کی طرف سے ضامن بن کر اپنی مملوکہ جائیداد  بطور ِمہر  بہو  کے نام  لکھ دی  ہو تو شرعاً  یہ جائیداد بہو کی ملکیت  شمار ہوگی ،لہذا ساس  کے فوت ہونے  کے بعد  یہ ترکہ میں شامل  نہ ہوگی بلکہ وہ بہو ہی اس کی مالکہ متصور ہوگی۔

فإن ضمن المهر وأدى الأرض عنه ثم مات قبل التسليم كانت الأرض للمرأة لأنه بيع فلا يبطل بالموت۔(البحر الرائق،كتاب النكاح ،باب المهر،ج3ص307)

ولو أعطى ضيعة بمهر امرأة ابنه ولم تقبضها حتى مات الأب فباعتها المرأة لم يصح إلا  إذا ضمن الأب المهر ثم أعطى الضيعة به فحينئذ لا حاجة إلى القبض۔(رد المحتار ،كتا ب النكاح ،باب المهر،قبيل مطلب في منع الزوجة نفسها لقبض المهرج4ص290)