واضح رہے کہ کسی قرض خواہ کے قرض ادا کرنے کی ذمہ داری  قبول کرنا شرعاً کفالت کہلاتا ہے۔ کفیل بننے کے بعد حق کی ادائیگی  یا صاحب ِحق کی طرف سے معافی  سے پہلے   کفیل کو انکار یا  رجوع کا حق  حاصل نہیں ۔

          صورت ِ مسولہ میں اگربشرط ِصدق وثبوت   مذکورہ    ذمہ دار افراد نے حسب ِبیان قرض  ادا کرنے کی ذمہ داری قبول کی ہو اور مقررہ مدت میں  قرض دار نے  واجب الادا  قرض  ادا نہ کی ہو تو شرعاًقرض خواہ  ان ذمہ دار افراد   سے قرض   کی ادائیگی کا مطالبہ کر سکتا ہے ۔کفالت  سے انکار پر یہ  ذمہ دار افراد  کفالت سے بری نہیں ہو سکتے ۔

ليس للكفيل أن يخرج نفسه من الكفالة بعد انعقادها وترتب الدين في ذمة المدين ۔۔۔وللمكفول له إن شاء مطالبة الكفيل وإن شاء مطالبة الأصيل .(شرح المجلة لسليم رستم باز الكتاب الثالث في الكفالة ،الباب الثاني،المادة64،ص350)