شریعت مطہرہ کی روسے انسان اور اس کے سب اعضاء واجزاءقا بل عزت واحترام ہیں،چونکہ عورت کا دودھ بھی اس کےبدن کا ایک جزء ہے،اس لیے عورت کے دودھ کو  بلا ضرورت استعمال کرنا جائز نہیں۔مدت رضاعت میں ضرورت کی بناء پر بچے کی نشونما کی خاطر شریعت  نے اس کی اجازت دی ہے ،لیکن مدت رضاعت کے بعد یہ ضرورت باقی نہیں رہتی،اس لیے مدت رضاعت کے بعد کسی بھی انسان کے لیے (چاہے بچہ ہو یا بالغ)کسی عورت کا دودھ  پینا جائزنہیں ،لہذا شوہر کے لیے بھی اپنی بیوی کا دودھ پینا شرعا حرام ہے،البتہ اگر کوئی  پی  لے تو اس سے میاں بیوی کے نکاح پر کوئی اثر نہیں پڑتا۔

(ولم يبح الارضاع بعد مدته) لانه جزءآدمي والانتفاع به لغير ضرورة حرام على الصحيح.( الدر المختار علی صدر ردالمحتار ،کتاب النکاح،باب الرضاع،ج 1، ص 398)

إذا مص الرجل ثدي امرأته وشرب لبنها لم تحرم عليه امرأته لما قلنا أنه لا رضاع بعد الفصال۔(فتاویٰ قاضیخان،کتاب النکاح،باب الرضاع،ج 1،ص 362)