شرعی نقطہ نظر سے جب نماز میں کوئی واجب چھوٹ جائے،  یا کسی واجب میں تاخیر یا تکرار  ہو جائے، یا کسی فرض میں تاخیر ہوجائے تو نماز پڑھنے والے پر سجدہ سہو واجب ہو جاتا ہے، جس کا مسنون طریقہ یہ ہے کہ آخری قعدہ میں تشہد پڑھنے کے بعدصرف دائیں جانب سلام  پھیر کر  دو سجدے کر لے،اور ہر سجدے میں حسبِ معمول تسبیح (سبحان ربی الاعلی) پڑھے، اس کے بعد پھر بیٹھ کر تشہد، درود شریف اور دعا پڑھ کر دونوں جانب سلام پھیر لے۔

          وكيفيته أن يكبر بعد سلامه الأول ويخر ساجدا ويسبح في سجوده ثم يفعل ثانيا كذلك ثم يتشهد ثانيا ثم يسلم كذا في المحيط ويأتي بالصلاة على النبي صلى الله عليه وسلم والدعاء في قعدة السهو هو الصحيح.(الفتاوی الہندیۃ، کتاب الصلوۃ، باب فی سجود السہو، ج: 1/ ص: 185)