شرعی نقطہ نظر  سے کمپنی جو انعام دیتی ہے اگر اس انعام کی وجہ سے مبیع کی کوالٹی میں فرق نہ آتا ہو اور یہ کمپنی مبیع ثمنِ مثلی پر فروخت کرتی ہو تو کمپنی کا حوصلہ افزائی کے طور پر کسٹمر کو اس طرح انعام دینا جائز ہے کیونکہ درحقیقت یہ ترغیبی ہدایا ہوتے ہیں لہذا ان کے وصول کرنے میں کوئی حرج نہیں ۔

           صورتِ مسؤلہ میں کمپنی کی طرف سے ہول سیلر کسٹمر کو جو تحائف دیئے جاتے ہیں اگر ان تحائف کی وجہ سے مصنوعات کی قیمت  میں مارکیٹ ریٹ کی بنسبت زیادہ اضافہ یا معیار میں کمی نہ کی جائے تو ایسی صورت میں ہول سیلر کسٹمر کے لیے ان تحائف کا قبول کرنا اور ان کو اپنے استعمال میں  لانا  جائز ہے ۔

وفي الأقضية قسم الهدية وجعل هذا من أقسامها فقال حلال من الجانبين كالإهداء للتودد وحرام منهما كالإهداء ليعينه على الظلم۔(رد المحتار،كتاب القضاء،مطلب في الكلام على الرشوةوالهدية،ج8ص35)