شریعت مطہرہ کی رو سے خدمات یا منافع کے عوض اجرت حاصل کرنا اجارہ کہلاتا ہے عقد اجارہ کی شرائط میں سے یہ بھی ہے کہ معقود علیہ مال متقوم ہو اور اس سے حاصل کی جانے والی منفعت منفعت مقصودہ ہو چونکہ حکومت کی جانب سے پاسپورٹ کا جاری کرنابیرون ملک آمدورفت کے لیے ہوتا ہے اس سے گاڑی منگوانا کوئی منفعت مقصودہ نہیں  اس لیے اس غرض کے لیے پاسپورٹ کرایہ پر دینا شرعا جائز نہیں ۔

صورت مسئولہ کے مطابق کسی کمپنی یا ایجنٹ کو اپنا پاسپورٹ اس لیے دینا کہ وہ اس پر باہر سے گاڑی پاکستان لائے اور محض اس پاسپورٹ دینے کے عوض اجرت وصول کی جائے یہ جائز نہیں تا ہم اگر پاسپورٹ دینے والا شخص گاڑی خریدنے اور منگوانے میں اپنے کچھ پیسے بھی شامل کرے اور دونوں اس کام میں شریک ہو جائیں تو ایسی صورت میں اس شرکت کی بنیاد پر منافع میں اپنا طے شدہ حصہ لے سکتا ہے ۔

ومنها أن تكون المنفعة مقصودة معتادا استيفاؤها بعقد الإجارة ولا يجري بها التعامل بين الناس فلا يجوز استئجار الأشجار لتجفيف الثياب عليها۔(الفتاوى الهندية ،كتاب الاجارة ،الباب الاول ،ج4،ص441)

 أما شركة العنان فهي أن يشترك اثنان في نوع من التجارات بر أو طعام أو يشتركان في عموم التجارات ۔(الفتاوى الهندية ،كتاب الشركة ،الفصل الاول في تفسيرها ۔۔۔،ج 2،ص319)