شریعت کی رو سے جو رشتے نسب کی وجہ سے حرام ہیں وہ رضاعت کی وجہ سے بھی حرام ہو جاتے ہیں چنانچہ دودھ پینے والے بچے یا بچی پر مرضعہ کے تمام اصول و فروع حرام ہو جاتے ہیں ۔

صورت مسئولہ میں اگر واقعتا عائشہ بنت سید کلیم شاہ نے مدت رضاعت کے اندر اپنی پھوپھی کا دودھ پیا ہو تو اس دوده پلانے والي کی اولاد اس کے بہن بھائی بن چکے ہیں لہذا ان میں سے کسی کے ساتھ بھی نکاح نہیں کرسکتی چنانچہ عائشہ بنت سید کلیم شاہ اور حبیب اللہ کا نکاح شرعا جائز نہیں ۔

يحرم على الرضيع أبواه من الرضاع وأصولهما وفروعهما من النسب والرضاع جميعا۔(الفتاوى الهندية ،كتاب الرضاع ،ج 1ص343)