کرایہ دار سے سیکورٹی کے طورپرکچھ رقم وصول کرنادرست ہے ۔یہ رقم دکان یامکان کے مالک کے پاس بطورامانت یا قرض ہوگی ،دکان چھوڑتے وقت یہ رقم کرایہ دارکوواپس لوٹانالازم ہے۔

(1)صورت مسؤلہ کے مطابق مالک مکان کا کرایہ دار سے 2لاکھ  ایڈوانس لینےاور مکان بننے کے بعد اجرت پر دینے کا وعدہ کرنے کی شرعا گنجائش ہے، کیونکہ اصل کرایہ کا معاملہ دکان تیار ہونے کے بعد سے شروع ہوگا،اس صورت میں یہ رقم مالک  مکان کے پاس بطور قرض رہےگی۔

(2)اسی طرح اس بات کی بھی گنجائش ہے کہ طرفین آپس میں یہ طے کریں  کہ کرایہ کا بعض حصہ ایڈوانس کی  رقم سےمنہا ہوگا اور کچھ حصہ  نقد مستاجر سے لیا جائے گا  ۔

(3)اگر مالک  زمین اپنی زمین کرایہ دارکو اجرت پر دےاور اس سے کہےکہ تم  اس پراپنے سرمائے سے  دوکان بناؤ اور جتنا خرچ آئے وہ میرےذمے  تمھارا قرض ہوجائےگا پھر ماہانہ کرایہ  اس  خرچ شدہ  رقم میں سے شمار کیا جائے گا،اور جب وہ  رقم ختم ہوجائے تو  ازسرنو عقد اجارہ کریں گےتوشرعاً اس طرح کا عقد کرنا درست ہے ۔کیونکہ  اس صورت میں کرایہ  دار مالک زمین کا وکیل بن  کر اس کے  لیے تعمیر کرے گا اور رقم مالک زمین کے  ذمے قرض ہوگی اور پھر اس قرض رقم سے کرایہ کی مقدار ماہانہ منہا ہوتی رہے گی۔

(4) نمبر 3میں جو صورت ذکر ہوئی اگر اس طرح کا عقد ہوا ہوتو مکان تعمیر ہونے کے ساتھ ہی مالک زمین کی ملکیت میں ہوگا ۔

(5)اگرکرایہ دار دوکان کو مدت اجارہ  سے پہلے چھوڑناچاہے  تومالک مکان کو ایڈوانس رقم روکنے کی اجازت نہیں بلکہ واپس کرنا ضروری ہے کیونکہ  یہ رقم مالک مکان کے پاس بطورقرض ہوتی ہے  ۔ 

وتصحّ الإجارة مضافة وكذا فسخها۔قال فی الدرالمنتقی :ای الی الزمان المستقبل کآجرتک او فاسختک راس الشہر او اول رمضان وھو فی شعبان ۔(ملتقی الابحر ،ج3ص563)

الْوَكِيلُ بِالشِّرَاءِ يُطَالَبُ بِالثَّمَنِ من مَالِ نَفْسِهِ وَإِنْ لم يَدْفَعْ إلَيْهِ الْمُوَكِّلُ بَعْدَ ذلك وَلِلْوَكِيلِ أَنْ يَرْجِعَ على الْمُوَكِّلِ بِالثَّمَنِ قبل أَنْ يُؤَدِّيَ من مَالِ نَفْسِهِ وَلَهُ أَنْ يَحْبِسَ الْمُشْتَرَى من الْمُوَكِّلِ إلَى أَنْ يَأْخُذَ منه ما نَقد۔۔۔وليس له أَنْ يَمْتَنِعَ عن دَفْعِ الثَّمَنِ لِأَنَّهُ صَارَ دَيْنًا في ذِمَّةِ الْآمِرِ كَذَا في الْبَحْرِ.(الفتاوی الھندیۃ،کتاب الاجارۃ ،ج3ص498)

لو کان للمستاجر علی الاجر دینارفتقاصا ،یجوز ،وان کان الجنس مختلفا بالتراضی کذا فی الوجیز۔(الفتاوی الھندیۃ ،کتاب الاجارۃ ج4ص570)