واضح رہے کہ فرائض کی ادائیگی کے بعد معاش کے لئے حلال طریقے سے کوشش کرنا شریعت کا حکم ہے۔تاہم معاش کی خاطر شریعت کے کسی حکم کو چھوڑنا جائز نہیں ہے۔داڑھی چونکہ شعائر اسلام میں سے ہے، اور داڑھی بڑھانے کے متعلق متعدد احادیث مبارکہ وارد ہوئی ہیں، جن کی رو سے ایک مشت کے برابر داڑھی رکھنا واجب ہے، اس لئے ملازمت یا ویزہ کے حصول کے لئے داڑھی منڈوانا جائز نہیں۔

صورت مسئولہ کے مطابق اگر کسی کمپنی نے ملازمت یا ویزہ کے اجرا کے لئے داڑھی کاٹنے کی شرط لگائی ہو، تو کمپنی میں ملازمت اختیار کرنے یا ویزہ کے حصول کے لئے ایک مشت سے داڑھی کم کرنے یا منڈوانے کی اس شرط کو پورا کرنا جائز نہیں۔

عَنِ ابْنِ عُمَرَ رَضِيَ اللَّهُ عَنْهُمَا قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: "انْهَكُوا الشَّوَارِبَ، وَأَعْفُوا اللِّحَى" (الصحیح للبخاری، کتاب اللباس، باب إعفاء اللحی، ج:2، ص:399، مکتبہ رحمانیہ)

وأما الاخذ منها وهي دون ذلك كما يفعله بعض المغاربة، ومخنثة الرجال فلم يبحه أحد، وأخذ كلها فعل يهود الهند ومجوس الاعاجم. (ردالمحتار على الدرالمختار، کتاب الصوم، باب ما یفسد الصوم ومالایفسدہ، ج:3، ص:398، دارالکتب العلمیة)

قطعت شعرها، لزمها الاستغفار، وإن بإذن الزوج؛ لأنه لا طاعة لمخلوق في معصية الخالق؛ ألا يرى أنه لا يحل للرجل أن يقطع اللحية. (الفتاوی البزازیة، کتاب الاستحسان، ج:3، ص:216، دارالفکر)