نماز جمعہ کے وجوب ادا کی شرائط میں سے ایک شرط یہ ہے کہ  جہاں نماز جمعہ ادا ہوتی ہے وہ شہر ہو ، یا توابع شہر میں سے ہو ، اور یا بڑا گاؤں ہو۔ بڑے گاؤں کی تعبیر فقہاے کرام نے اپنے اپنے وقت میں حالات کے مطابق مختلف عبارات سے کی ہے۔ موجودہ  دور میں جس گاؤں کی آبادی دو، ڈھائی ہزار افراد پر مشتمل ہو،اور روزمرہ کی ضروریات اس میں میسر ہوں وہ بڑا گاؤں شمار ہوگا،  اور توابع شہر   سے شہر کے مضافات میں واقع وہ آبادی مراد ہے جو مستقل گاؤں نہ ہو، بلکہ عرف میں شہر کے تابع شمار کیا جاتا ہو۔ چنانچہ جو آبادی شہر سے باہر ہو اور مستقل گاؤں کی حیثیت رکھتی  ہو اور عرف میں بھی وہ مستقل گاؤں شمار کیا جاتا ہو تو اگر وہ خود بڑا گاؤں نہ ہو تو اس میں جمعہ جائز نہیں۔

صورت مسئولہ میں اگر مذکورہ علاقہ (باغبانان میرا) میں مذکورہ شرائط پائی جاتی ہوں اور ایک ہی گاؤں کی افرادی تعداد 4000  تک پہنچتی ہو تو اس گاؤں میں نماز جمعہ ادا کرنا جائز ہے ۔

2ـ نماز جمعہ کے انعقاد کے لیے مسجد میں پنجگانہ نماز کی باجماعت پابندی  ضروری نہیں ، اس لیے جس گاؤں میں جمعہ کے وجوب کی شرائط پائی جائیں تو اس گاؤں کی ایسی مسجد میں بھی نماز جمعہ ادا کرنا جائز ہے جس میں پنجگانہ  نماز باجماعت ادا نہ ہوتی ہو۔

3ـ جب کسی جگہ میں نماز جمعہ کی ادائیگی کا جواز ثابت ہو جائے تو وہاں مختلف مقامات پر نماز جمعہ کی ادائیگی جائز ہے،  اس لیے ایک جامع مسجد کے ہو تے ہوئے دوسری مسجد میں جمعہ کی نماز ادا کرنا جائز ہے۔

وعبارة القهستاني تقع فرضا في القصبات والقرى الكبيرة التي فيها أسواق۔(رد المحتار على الدر المختار، كتاب الصلوٰة، باب الجمعة، ج:3،ص:6)

(ويشترط لصحتها) سبعة أشياء: الاول: (المصر)---(أو فناؤه)---(و) الثاني: (السلطان)---- ( و ) الثالث ( وقت الظهر فتبطل ) الجمعة ( بخروجه ) مطلقا ----(و) الرابع: (الخطبة فيه) فلو خطب قبله وصلى فيه لم تصح (و) الخامس: (كونها قبلها)---- (و) السادس: (الجماعة) وأقلها ثلاثة رجال---- (و) السابع: (الاذن العام)(الدرالمختار مع تنوير الأبصار، كتاب الصلوٰة، باب الجمعة، ج:1،ص:109-112)

وتؤدى الجمعة في مصر واحد في مواضع كثيرة وهو قول أبي حنيفة ومحمد - رحمهما الله تعالى - وهو الأصح(الفتاوى الهندية، كتاب الصلوٰة، الباب السادس عشر في صلوٰة الجمعة،ج:1،ص: 205)