شرعی نقطہ نظر سے رضاعت کے ثبوت کے لئے دو مردوں یا ایک مرد اور دو عورتوں کی گواہی ضروری ہے، ایک عورت کی گواہی معتبر نہیں تاہم اگر   مرضعہ کا قول موجب یقین و اطمینان ہو اور اس میں کذب بیانی کا احتمال نہ ہوتو عقد نکاح سے پہلے اس رشتہ سے احتراز بہتر ہے  ۔

صورت مسئولہ میں اگر لڑکی تکذیب کرتی ہواور گواہان بھی موجود نہ ہوں تو ایسی صورت میں لڑکے کی ماں (مدعیہ)کے قول کا کوئی اعتبار نہیں اور لڑکے کا اپنی منگیتر سے نکاح کرنا جائز ہے تاہم اگرلڑکے کی ماں کے قول پر سچائی کا اعتبار کیا جاسکتا ہو اور اس میں جھوٹ کا شائبہ نہ ہو تو  احتیاطاً اس رشتہ سے احتراز بہتر ہے۔

ولا يجوز شهادة امرأة واحدة على الرضاع أجنبية كانت أو أم أحد الزوجين، فإن وقع فى قلبه صدق المخبر فالأفضل أن يتنزه قبل العقد و بعده يسعها المقام معه حتى يشهد على ذلك رجلان أورجل وامرأتان عدول، ولا يقبل شهادة النساء وحدهن۔ (خلاصة الفتاوى،كتاب النكاح،فصل الرابع فى الرضاع،ج2،ص11)

الرضاع يظهر بأحد أمرين أحدهما الإقرار والثاني البينة كذا في البدائع ولا يقبل في الرضاع إلا شهادة رجلين أو رجل وامرأتين عدول۔ (الفتاوي الهندية،كتاب الرضاع،ج1،ص347)