واضح رہے کہ اگر مقتدی (مدرک ہو یا مسبوق)  قعدہ اولی میں امام سے پہلے تشہد مکمل کرلے توخاموش رہ کرامام کےاٹھنے کا انتظار کرے گا، درود شریف  یا دعائیں نہیں پڑھے گا۔ اور قعدہ اخیرہ میں  اگر مقتدی نے امام سے پہلے تشہد پڑھ لیا تو اس میں یہ تفصیل ہے، کہ اگر مقتدی مدرک (شروع سے امام کے ساتھ شریک ) ہے، تو وہ تشہد درود اور دعا کے بعد  مزید  درود شریف یا وہ دعا ئیں پڑ ھ سکتا ہے ، جو قرآن وحدیث میں منقول ہیں۔ اور اگر مقتدی مسبوق ہو یعنی ( جس کی کچھ  رکعتیں نکل گئی ہوں) تو اس  کے لئے  حکم   یہ ہے،  کہ وہ قعدہ اخیرہ میں  التحیات اس طرح ٹھہر ٹھہر کر  پڑ ھے گا،  کہ امام کے سلام  پھیرنے تک  ختم  کر لے، اور اگر اس نے اما م سے پہلے التحیات مکمل کر لی ہو تو پھر خاموش رہے گا یا ایک قول کے مطابق  تشہد(اشھد ان لا اله الا الله)کو آہستہ آہستہ دہرانا بھی جائز  ہے۔

  المقتدي إذا فرغ من التشهد في القعدة الاخيرة قبل إلامام واشتغل بالصلوات والدعوات فلما فرغ الإمام وهوقد قرأالدعوات لا يكره۔(خلاصةالفتاوي،كتاب الصلوۃ، ج 1 /ص160)

ومنها أن المسبوق ببعض الركعات يتابع الإمام في التشهد الأخير وإذا أتم التشهد لا يشتغل بما بعده من الدعوات ثم ماذا يفعل تكلموا فيه وعن ابن شجاع أنه يكرر التشهد أي قوله أشهد أن لا إله إلا الله وهو المختار كذا في الغياثية والصحيح أن المسبوق يترسل في التشهد حتى يفرغ عند سلام الإمام كذا في الوجيز للكردري وفتاوى قاضي خان وهكذا في الخلاصة وفتح القدير۔(الفتاوی الهنديۃ ،كتاب الصلاة،ج1/ص149)