شریعت مطہرہ کی رو سے کسی چیز کے مالک بننے کے متعدد اسباب ہیں ،جن میں سے ایک سبب ہبہ بھی ہے کہ بلا عوض کوئی شخص کسی کو اپنی مملوکہ چیز يا جائیدادکا مالک بنادےاور موہوب لہ  اس موہوبہ چیز پر قبضہ بھی کرلے تو موہوب لہ اس چیز کا مالک بن جاتا ہے اور واہب کے فوت ہونے سے شرعاً وہ زمین اس کے ترکہ میں شمار نہ ہوگی۔

                صورت مسؤلہ میں اگرسائل کا بیان حقیقت پر مبنی ہو اورساس نے واقعی ببقائے ہوش وحواس صحت  کی حالت  میں كوئی  زمین  داماد کو بطور ِہبہ دے کر قبضہ بھی دیا ہو تو شرعاً یہ زمین اس داماد ہی کی ملکیت شمار ہوگی،لہذا اس خاتون کی وفات کے بعد اس میں ورثاء کا کوئی حق نہ ہوگا۔

    تنعقد الہبۃ بالإيجاب والقبول ،وتتم بالقبض الكامل ،لأنهامن التبرعات والتبرع لا يتم إلا بالقبض ۔(شرح المجلةلسليم رستم باز المادة 837،ص462)