واضح رہے کہ زکوٰۃ کی ادائیگی جس طرح نقد رقم سے جائز ہے، اسی طرح کسی اور جنس مثلاً اشیاء استعمال، غذائی اجناس، کپڑے لباس وغیرہ یا ٹیوب ویل اور مشین (واٹرپمپ) لگانے سے بھی جائز ہے، تاہم اس کے لیے تملیک ( مستحق زکوٰۃ کو مالک بنانا) ضروری ہے۔

صورت مسئولہ میں اگر مالک مکان کی اجازت سے ٹیوب ویل لگایا گیا ہو اور اس نے خرچہ دینے کا بھی کہا ہو تو ایسی صورت میں ٹیوب ویل اور مشین(واٹرپمپ) لگانے سے اس کی زکوٰۃ ادا نہ ہو گی، کیونکہ یہاں بکر مالک مکان کی طرف سے وکیل متصور ہوگا۔ تاہم اگر ٹیوب ویل اور مشین لگانے کے بعد بکر(مزکی)مالک مکان سے ٹیوب ویل اور مشین کا خرچہ لے کر زید ( مستحق زکوٰۃ ) کو ان پیسوں کا مالک بنا دے تو اس صورت میں بکر(مزکی) کی زکوٰۃ ادا ہو جائے گی۔ واللہ تعالیٰ اعلم بالصواب

ويشترط أن يكون المصرف ( تمليكا) لا إباحة. ( الدرالمختار، كتاب الزكوة، باب المصرف، ج٣،ص٢٩١)

وبهذا شرط التمليك في الزكوة والعشر و صدقةالفطر. ( بدائع الصنائع، فصل وأما شرط جواز كل نوع، ج٥،ص١٠١)

أما الذي يرجع إلى المؤدي، فمنها أن يكون مالا متقوما على الإطلاق سواء كان منصوصاعليه أو لا،من جنس المال الذي وجبت فيه الزکوٰۃ أو من غير جنسه. ( بدائع الصنائع، كتاب الزكوة، فصل فيما يرجع إلى المؤدي،ج٢،ص٤٦١)