واضح رہے کہ نکاح کے انعقاد کے لیے ضروری ہے کہ عاقدین (میاں بیوی) دو مسلمان، عاقل، اور بالغ مردوں یا ایک مرد اور دو عورتوں کی موجودگی میں باقاعدہ ایجاب و قبول کرلیں، لہٰذا اگر کہیں ایجاب و قبول ہی نہ ہوا ہویا ایجاب و قبول تو ہوا ہو مگر دو شرعی گواہ موجود نہ ہوں تو یہ نکاح شرعاً منعقد نہیں ہوگا۔ نیز طلاق کا وقوع نکاح کے قیام پر موقوف ہے، لہٰذا غیر منکوحہ عورت کو طلاق دینے سے طلاق واقع نہیں ہوتی۔

            صورتِ مسئولہ میں حسبِ بیان اگر مذکورہ لڑکے نے پہلی مرتبہ واقعی اس افغانی لڑکی سے با قاعدہ شرعی نکاح نہیں کیا تھا بلکہ محض کاغذی کارروائی کر کے اپنے آپ کو اس کا شوہر ظاہر کیا تھا تو وہ نکاح شرعاً منعقد نہیں ہوا تھا، لہٰذا اس کے بعد دی گئی طلاق بھی لغو ہوگی۔ چنانچہ اگر اس کے بعد ان دونوں نے شریعت کے مطابق دو گواہوں کی موجودگی میں باقاعدہ ایجاب و قبول کر کے نکاح کیا ہو تو یہ نکاح منعقد ہوگا، اور ا س کے بعد پیدا ہونے والے بچے بھی ثابت النسب ہوں گے۔

عن عمرو بن شعيب عن أبيه عن جده قال : قال رسول الله صلى الله عليه و سلم لا نذر لابن آدم فيما لا يملك ولا عتق له فيما لا يملك ولا طلاق له فيما لا يملك. ( جامع الترمذي، باب ما جاء لا طلاق قبل النكاح، ج: 3/ ص: 17)

وأما ركنه فالإيجاب والقبول كذا في الكافي...وأما شروطه... ومنها الشهادة قال عامة العلماء إنها شرط جواز النكاح هكذا في البدائع وشرط في الشاهد أربعة أمور الحرية والعقل والبلوغ والإسلام. (الفتاوى الهندية، كتاب النكاح، الباب الأول، ج:1/ ص: 322 )