شرعی نقطہ نظر سے مورث  کی زندگی میں فوت ہونے والا شخص میراث کا مستحق نہیں ہوتا ،اس لیے کہ حقِ  میراث  مورِث کے مرنے کے بعد ثابت ہوتا ہے  ،نیز بہو کو بہو ہونے کی حیثیت سے  وراثت  میں کوئی حصہ  نہیں ملتا کیونکہ بہو میں استحقاقِ ارث کے تین اسباب (قرابت،زوجیت اور ولاء )  میں سے کوئی سبب نہیں پایا جاتا ۔

         صورت مسؤلہ میں شاہجہان اگر واقعتاً اپنے والدین (اخلاص گل ،ولاجان) کی زندگی میں فوت ہوچکا ہو تو شرعاً اس کا  اپنے والدین کے میراث میں کوئی حصہ نہیں بنتا اورجب اس کا حصہ نہیں بنتا تو اس کی بیوہ (زینت آرہ) بھی اپنے سسر(اخلاص گل) اور ساس(ولا جان)  کے میراث میں کوئی حصہ نہیں رکھتی ۔

 الإرث يثبت بعد الموت۔(البحر الرائق،كتاب الفرائض ،ج9ص364)

وشروطه ثلاثة:۔۔۔وجود وارثه  عند موته حقيقة اور تقديرا كالحمل ۔(رد المحتار،كتاب الفرائض،ج10ص491)

ويستحق الإرث بإحدى خصال  ثلاث،بالنسب وهو القرابة ،والسبب وهو الزوجيةوالولاء۔(الفتاوى الهندية،كتاب الفرائض،الباب الأول،ج6ص447)