شرعی نقطہ نظر سے اگر قبرستان میں دفن کیے گئے مردوں پر اتنا عرصہ گزر جاۓ، جس میں  مردوں کے اجسام غالب گمان کے  مطابق گل سڑکر مٹی ہو چکے ہوں،تو ایسی صورت میں قبروں کو ہموار کرکے اس میں نئے  مردوں  کی تدفین جائز ہے۔

لہذا صورت مسئولہ میں اگر قبرستان پر اتنی مدت گزر چکی ہو، کہ ظن غالب یہ  ہو کہ قبروں میں مردے خاک ہو گئے ہوں  گے، تو ایسے پرانے اور بوسیدہ قبرستان کو نئے قبرستان میں تبدیل کرنا جائز ہے۔

ولو بلى الميت وصار ترابا جاز دفن غيره في قبره وزرعه والبناء عليه۔(الفتاوی الھندیة، کتاب الصلوۃ، الباب الحادي والعشرون في الجنائز، الفصل السادس فی القبر، ج1، ص228،  دارالفکر)

قال ابن القاسم: لوأن مقبرۃ من مقابرالمسلمین عفت فبنیٰ قوم علیھا مسجداً لم أر بذلک بأسا۔(عمدۃ القاري شرح صحیح البخاري، بیان حکم نبش قبور المشرکین، ج :4ص:179، مطبع دارٳحیاء التراث العربي)