واضح رہے کہ جو پراپرٹی اس طرح تجارت کی نیت سے خریدی جائے کہ اس کو فروخت کرکے نفع کمایاجائے گا اور ا س کی مالیت نصاب تک پہنچتی ہو تو سال گزرنے کے بعد اس پراپرٹی کی موجودہ قیمت پر زکوۃ واجب ہوگی لیکن اگر کوئی پلاٹ یازمین تجارت کی نیت سے نہیں خریدی گئی بلکہ اس پر مکان بنانے کا ارادہ ہو تو اس صورت میں اس پلاٹ پر زکوۃ واجب  نہیں ہے ۔

صورت مسئولہ کے مطابق تجارت کی نیت سے خریدے گئے پلاٹوں کی کل مالیت پر زکوۃ واجب ہے صرف اس کے منافع پر نہیں چنانچہ سال گزرنے کے بعد اس شخص کی ملکیت میں جو تجارتی پلاٹ یا مالیت ہو تو اس پر زکوۃ واجب ہوگی اور جو پلاٹ گھر والوں کے لیے مکان بنانے کی غرض سے خریدا ہے اس پر زکوۃ واجب نہیں ۔

الزكاة واجبة في عروض التجارة كائنة ما كانت إذا بلغت قيمتها نصابا من الورق والذهب ۔۔۔وتشترط نية التجارة لأنه لما لم تكن للتجارة خلقة فلا يصير لها إلا بقصدها فيه۔(فتح  القدير ،كتاب الزكوة ،باب زكوة المال ج 2ص166)

وليس في دور السكنى ،وثياب البدن ،وأثاث المنزل ،ودواب الركوب ،وعبيد الخدمة وسلاح  الاستعمال زكوة لأنها مشغول بالحاجة الأصلية و ليست نامية ۔(الهداية ،كتاب الزكوة ج 1ص202)