فقہائے کرام کی تصریحات کے مطابق اگر کوئی شخص  صاحب نصاب ہو اور دوران سال اس کی ملکیت میں مزید مال آجائے تو دونوں کو ملا کر پورے مال پر زکوۃ کی ادائیگی ضروری ہے ۔

صورت مسئولہ کے مطابق اس شخص کے پاس جب دس تولہ سونا ہے تو یہ صاحب نصاب ہے اور سال گزرنے سے پہلے جب وہ مزید چھ تولہ سونا کا مالک بن گیا تو اس صورت میں نصاب پر سال مکمل ہونے کے بعد چھ تولہ سونا کو دس تولہ سونا سے ملا کرپورے سولہ تولے سونا کی زکوۃ دی جائے گی۔ چھ تولہ سونا پر علیحدہ سال گزرنا ضروری نہیں ۔

ومن كان له نصاب فاستفاد في أثناء الحول من جنسه ضمه إليه وزكاه به۔(الهداية كتاب الزكوة ج 1ص209)

ومن كان له نصاب فاستفاد في أثناء الحول مالا من جنسه ضمه إلى ماله وزكاه المستفاد من نمائه أوّلاٌ وبأي وجه استفاد ضمه سواء كان بميراث أو هبة أو غير ذلك۔(الفتاوى الهندية كتاب الزكوة ج1ص180)