واضح رہے کہ شریعت مطہرہ نے حرام اور معصیت والی  اشیاء  جیسے : شراب، خنزیر، اور بت وغیرہ کی خریدوفروخت سے منع فرمایا ہے،کیونکہ خریدو فروخت سے اشیاء کو  عزت و عظمت  ملتی ہے، اور یہ کسی صاحب ایمان کا شیوہ نہیں کہ وہ حرام اور معصیت والی اشیاء کی تعظیم و توقیر کا سبب بنے۔

صورت مسٔولہ کے مطابق اگر کسی مسلمان کے پاس بت ہوں، تو اس کے لیے ان بتوں کو فروخت کرنا  ازروۓ شریعت جائز نہیں چاہے وہ اسے عجائب گھر کو فروخت کرے، یا  دوسرے ممالک میں بھیج کر فروخت کرے، کیونکہ ہر وہ چیز جو دوسروں کی لیے شرک یا معصیت میں مبتلا ہونے کا  سبب بنتی ہو، تو اس کی  خریدو فروخت کو ممنوع قرار  دیا گیا ہے، تاہم اگر ان کی شکل وصورت   کو مسخ کر کے یا ان کو توڑ کر ان میں لگے قیمتی جواہر اور ہیروں کو بیچا جاۓ، تو  ان کا بیچنا جائز ہے۔

عَنْ جَابِرِ بْنِ عَبْدِ اللَّهِ رَضِيَ اللَّهُ عَنْهُمَا، أَنَّهُ: سَمِعَ رَسُولَ اللَّهِ صَلَّى اللهُ عَلَيْهِ وَسَلَّمَ، يَقُولُ عَامَ الفَتْحِ وَهُوَ بِمَكَّةَ: إِنَّ اللَّهَ وَرَسُولَهُ حَرَّمَ بَيْعَ الخَمْرِ، وَالمَيْتَةِ وَالخِنْزِيرِ وَالأَصْنَامِ۔)صحیح البخاری، کتاب البیوع، باب بیع المیتۃ والاصنام،ج:2، ص:590، رقم:2236)

والإجماع قائم على أنه لا يجوز بيع الميتة والأصنام لأنه لا يحل الانتفاع بها ووضع الثمن فيها إضاعة مال وقد نهى الشارع عن إضاعته قلت على هذا التعليل إذا كسرت الأصنام وأمكن الانتفاع برضاضها جاز بيعها عند بعض الشافعية وبعض الحنفية۔(عمدۃالقاری شرح صحیح البخاری، کتاب البیوع، باب بیع المیتۃ والأصنام، ج:12، ص:55، دار إحیاء التراث العربی)

حرم بیع الخمر ۔۔۔ وکذا معنی قولہ:(والمیتۃ،والخنزیر،والأصنام)أی وإن کانت من ذھب أو فضۃ۔(مرقاۃالمفاتیح، کتاب البیوع، باب الکسب الطیب والحلال، ج:6، ص:18، المکتبۃ الحقانیہ)