کسی پلاٹ یا مکان کو خریدنے کے بعد اس کا قانونی کاغذی انتقال گو کہ بہتر ہے  لیکن شرعاً خرید وفروخت کی صحت (درستگی )اور ملکیت کا ثبوت کاغذات میں انتقال پر موقوف  نہیں ۔

                لہذا صورت مسؤلہ  میں  اگر سائلہ کے مرحوم شوہر  نے واقعی مذکورہ  پلاٹ خریدا ہو اور قیمت کی ادائیگی  بھی کی ہو  تو اگر چہ پلاٹ  کی کاغذی کاروائی  شوہر  کے نام  نہ ہوئی ہو تب بھی اس پلاٹ پر ترکہ کے احکام جاری ہوں گے لہذا مرحوم کے سب ورثا  (بشمول  دوسری بیوہ) اس پلاٹ میں اپنے اپنے حصہ کے بقدر میراث لینے  کے حقدار ہوں گے ۔

البيع ينعقد بإيجاب وقبول  ۔۔۔ فلو قال البائع بعت ثم قال المشتري اشتريت أو قال المشتري أولا اشتريت ثم قال البائع بعت انعقد البيع۔(المجلۃ،الفصل الأول فيما يتعلق بركن البيع،ج1ص34)

المراد من التركة ما تركه الميت خاليا عن تعلق حق الغير بعينه۔(البحر الرائق ،كتاب الفرائض ،ج9ص365)