واضح رہے کہ کسی جائز اور متعین تصرف میں اپنی جگہ کسی دوسرے  شخص کو قائم مقام بنانا وکالت ہے۔ اور وکالت میں جن امور کا ارتکاب مؤکل کے لیے جائز نہیں ، ان امور کا ارتکاب وکیل کے لیے بھی جائز نہیں، مثلا: جھوٹ بولنا، دھوکہ دینا وغیرہ۔

                صورتِ مسؤلہ کے مطابق اگر ایک شخص پر اس کے مخالف نے جھوٹے مقدمات بنائے ہوں اور یہ شخص اپنے وکیل سے کہتا ہے  کہ تم بھی میری طرف سے اس پر جھوٹے  مقدمات بناؤ، تاکہ پوزیشن متوازی ہوجائے تو اس میں چونکہ صریح جھوٹ بولنے کا ارتکاب لازم آتا ہے، لہذا وکیل کےلیے مؤکل کے کہنے پر اس طرح کے جھوٹے  مقدمات بنانا جائز نہیں اور نہ مؤکل کے لیے اپنے وکیل سے اس طرح کا نا حق مطالبہ کرنا جائز ہے۔ تا ہم اگر مقدمات بنانے سے وکیل کا مقصد مؤکل سے ظلم دفع کرنا ہو تو کوئی ایسا مناسب راستہ ڈھونڈلے جہاں صراحتہ جھوٹ بولنا نہ پڑے۔

﴿وَلا تَكُنْ لِلْخَائِنِينَ خَصِيماً﴾. وفي هذا دليل على أن النيابة عن المبطل والمتهم في الخصومة لا تجوز. فلا يجوز لأحد أن يخاصم عن أحد إلا بعد أن يعلم أنه محق. (التفسير للقرطبي، ،ج3، ص 377(

كل عقد جاز أن يعقده الإنسان بنفسه جاز أن يوكل به غيره۔ (الہداية ، کتاب الوکالة، ج 3، ص 185)

الكذب مباح لإحياء حقه ودفع الظلم عن نفسه، والمراد التعريض لأن عين الكذب حرام. ( الدر المختار، کتاب الحظر والاباحة، ج 9، ص 612)