شرعی نقطہ نظر سے زکوۃ کی ادائیگی میں مستحقین کو مالک بنانا ضروری ہے چنانچہ جہاں کہیں تملیک کی شرط مفقود ہوگی وہاں زکوۃ کی ادائیگی درست نہ ہوگی ۔لہذا مدرسہ،مسجد یا دیگر رفاہی اداروں کی تعمیر میں زکوۃ یا دیگر صدقات واجبہ کی رقم بغیر تملیک کے خرچ کرنا جائز نہیں۔البتہ اگر مستحق زکوۃ کو اس کا مالک بنایا جاے اور وہ برضا ورغبت پوری رقم یا اس رقم کا کچھ حصہ مدرسہ کی تعمیر میں خرچ کرےتو شرعا اس کی گنجائش پائی جاتی  ہے۔

 ولا یجوز ان یبنی بالزکوۃ المسجد وکذا القناطر والسقایات واصلاح الطرقات وکری الانھار وکل مالا تملیک فیہ۔(الفتاوی الھندیۃ،کتاب الزکاۃ،ج1ص188)

وقدمنا ان الحیلۃ ان یتصدق علی الفقیر ثم یامرہ بفعل ھذہ الاشیاء وقال ابن عابدین ویکون لہ ثواب الزکوۃ وللفقیر ثواب ھذہ القرب۔(ردالمحتار علی الدرالمختار،کتاب الزکوۃ،باب المصارف،ج3ص293)