شرعی نقطہ نظر سے عقد نکاح کے  انعقاد  اور صحت کے لیےارکان نکاح (ایجاب و قبول)کی ادائیگی کے وقت گواہوں کا موجود ہونا بھی ضروری ہے یعنی ایجاب وقبول کے وقت دو عاقل،بالغ،آزاد،  مسلمان مرد یا ایک مرد اور دو عورتیں موجود ہوں۔ اگر عقد نکاح کے وقت گواہان موجود نہ ہوں اور یہ عاقدین بعد میں دو یا زیادہ مردوں کو اپنے نکاح کی  خبر دے  دیں تو محض   خبر دینے سے نکاح منعقد نہیں ہوگا۔

لہذا صورت مسئولہ    میں اگر واقعی لڑکے اور لڑکی نے بغیر گواہوں کے ایجاب وقبول کر لیا    ہو تو گواہان موجود نہ ہونے کی وجہ سے یہ نکاح منعقد  نہیں ہوگا اگر چہ بعد میں دونوں شرعی گواہان کو اپنے اس ایجاب و قبول کی خبر دےدیں  اس لیے کہ نکاح کی خبر دینے سے نکاح منعقد نہیں ہوتا ، بلکہ شرعی گواہان کے سامنے باقاعدہ ایجاب و قبول کرنا نکاح کے منعقد ہونے کے لیے ضروری ہے۔

قال ولا ينعقد نكاح المسلمين إلا بحضور شاهدين حرين عاقلين بالغين مسلمين رجلين أو رجل وامرأتين۔   (الهداية،كتاب النكاح،ج 3، ص 5،مکتبة البشری)

قال: ولو تزوج امرأة بغير شهود أو بشاهد واحد ثم أشهد بعد ذلك لم يجز النكاح لأن الشرط هو الإشهاد على العقد ولم يوجد وإنما وجد الإشهاد على الإقرار بالعقد الفاسد والإقرار بالعقد الفاسد ليس بعقد وبالإشهاد عليه لا ينقلب الفاسد صحيحا۔(كتاب المبسوط للإمام شمس الدين السرخسي،كتاب النكاح،باب النكاح بغير شهود،5/35،دار الكتب العلمية)