شرکت کے لئے  ضروری ہے کہ جانبین سے نقد مال ہو یا ایک طرف سے مال اور دوسری طرف سے عمل ہو جوکہ مضاربت کہلاتا ہے یا دونوں کسی عمل میں باہم شریک ہوں اور اس کی اجرت آپس میں تقسیم کریں ، بغیر سرمایہ اور محنت کے خواہ مخواہ کسی کی مزدوری میں شریک ہونا شرعاً جائز نہیں۔

صورت مسئولہ میں بکر کا کمپنی سے ٹرپس لے کر زید کو دینا شرعاً اجارہ کا عقدہے جس میں زید اجیر اور بکر مستاجر ہے اور شرعاً  اجیر اپنا کام مکمل کرنے پر اجرت کا مستحق ٹھہرتا ہے   لہذا جب زید بکر کا ٹرپ پہنچادے تو وہ اجرت کا مستحق ہوگا چاہے بکر کو کمپنی سے یہ رقم  وصول ہو یا نہ ہو، نیز چونکہ یہ عقد اجارہ ہے اس لئے بکر کے لئے زید کے منافع میں شریک ہونا جائز نہیں ۔

إذا لم يوجد واحد من الأمور الثلاثة السالفة الذكر يعني المال والعمل والضمان  فلا استحقاق للربح مثلا إذا قال شخص لآخر أنت اتجر بمالك على أن الربح مشترك بيننا فلا يوجب الشركة وفي هذه الصورة ليس له أخذ حصة من الربح الحاصل۔ (شرح المجلة لخالد الأتاسي،الباب الخامس،المادة:1311،ج4،ص231)

ثم الأجرة تستحق بأحد معان ثلاثة إما بشرط التعجيل أو بالتعجيل أو باستيفاء المعقود عليه فإذا وجد أحد هذه الأشياء الثلاثة فإنه يملكها۔ (الفتاوى الهندية،كتاب الإجارة،الباب الثاني،ج4،ص413)