اگرکسی مشترکہ زمین میں تمام شرکا وقف کرنے پر راضی نہ ہوں تو تقسیم سےقبل بعض  کے وقف  کرنے سےوقف درست نہیں ہوگا۔صورتِ مسئولہ میں اگر واقعی بھائیوں نے بہنوں کو میراث میں حصہ نہ دیاہو اوربہنوں کی اجازت کے بغیر مشترکہ زمین کو مسجد کےلیے وقف کیاہو تو یہ وقف جائز نہیں کیونکہ یہ دوسرے کی زمین اس کی اجازت کے بغیر وقف کرنا ہے،جو شرعاً جائز نہیں۔اور اگر بھائیوں نےاپنے حصے کے بقدر زمین وقف کی ہو تو تقسیم سے قبل یہ بھی جائز نہیں کیونکہ اس صورت میں یہ وقفِ مشاع ہے۔بہرحال ازروئے شریعت یہ وقف درست نہیں اور جب وقف درست نہ ہوا تو یہ مسجد بھی مسجدشرعی نہیں ہوسکتی۔تاہم اگر بہنوں کو ان کی رضامندی سے ان کے حصے کے بدلے قیمت دی جائے یا کسی اور زمین سےحصہ دیاجائےاور پھر وقف کیا جائے تو وقف درست ہوجائےگا۔

وَقْفُ الْمُشَاعِ الْمُحْتَمِلِ لِلْقِسْمَةِ لَا يَجُوزُ عِنْدَ مُحَمَّدٍ رَحِمَهُ اللَّهُ تَعَالَى وَبِهِ أَخَذَ مَشَايِخُ بُخَارَى وَعَلَيْهِ الْفَتْوَى(الفتاوى الهندية،كتاب الوقف الباب الثاني  فيما يجوز وقفه، فصل في وقف المشاع،ج2ص354)

لا يجوز لأحد أن يتصرف في ملك غيره بلا إذنه أو  وكالةمنه أو  ولايةعليه،وإن فعل كان ضامنا.(شرح المجلة لسليم رستم باز،المادة:96ج1ص61)