مدرسے میں طالب علم کو (بالغ ہو یا نا بالغ)داخلہ دینا انتظامی امور میں سے ہے۔جس میں شریعت نے کسی مخصوص شرائط وقواعدکی پابندی لازمی قرار نہیں دی ہے۔تاہم اگر مصلحت کی خاطرمدرسہ میں داخلہ کےلیے  کچھ جائز شرائط وضوابط لگائی گئی ہوں تو ان ضوابط پر  عمل پیرا ہونا چاہیے۔

صورت  مسئولہ میں کسی مخصوص مدرسہ میں داخلہ لینا ایک امرِ مباح ہے۔لہذا اگر منتظمین کی طرف سے داخلہ کےلیے یہ شرط ہو کہ داخلہ تب ملے گا جب طالب علم کا سرپرست حاضر ہو تو ایسی صورت میں اس شرط کا لحاظ رکھنا چاہیے۔لیکن جہاں داخلہ اس شرط کے ساتھ مشروط نہ ہو وہاں پر بلا سرپرست داخلہ دینے میں کوئی حرج نہیں۔

 المسلمون علی شروطھم الا شرط حرم حلالا او شرط احل حراما۔(السنن الصغری للبھیقی، ج3 ص346)

المباح ھو ما خیر الشارع المکلف بین فعلہ وترکہ،ولا مدح ولا ذم علی الفعل والترک۔(الوجیز فی  اصول الفقہ،ص38)