اپنی زندگی میں اپنا مال یا جائیداد  اولاد میں تقسیم کرنا ہبہ کہلاتا ہے ہبہ  میں اس بات کا خیال رکھنا چاہیے کہ تمام اولاد میں تقسیم برابری کیساتھ کی جائے بلا معقول وجہ کسی کو کم اور کسی کو زیادہ نہ دیا جائے البتہ اگر کسی اولاد کے زیادہ نیک ، صالح اور باادب ہونے کی وجہ سےیا کسی کے معذور ہونے کی وجہ سے  اس کو زیادہ حصہ دے دیا جائے تو اس کی اجازت ہے ۔

صورت مسؤلہ کے مطابق اگر عورت نے  زندگی میں اپنا زیور اپنی اولاد کے درمیان تقسیم کردیا ہو اور بلا کسی شرعی وجہ کے کسی کو کم اور کسی کو زیادہ حصہ دیا ہو تو اس سے وہ عورت گناہ گار ہوگی  البتہ اگر کسی اولاد کے زیادہ نیک ، صالح اور باادب ہونے کی وجہ سےیا زیادہ مستحق   ہونے کی وجہ سے اس کو زیادہ حصہ دیا ہو تو اس کی شریعت نے اجازت دی ہے ۔

ولو وهب في صحته كل المال للولد جاز وأثم۔(الدرا لمختار ،ج5،ص696)

لاباس بان یعطی من اولادہ من کان متادباً(فتاوی تاتارخانیہ،ج3،ص462)