جب کوئی بچہ مدت رضاعت میں کسی عورت کا دودھ پی لے تو یہ خاتون اس بچے کی رضاعی ماں   اور اس کی تمام اولاد اس بچے کے رضاعی بھائی  بہن بن جاتے ہیں لہذا اس بچے کا  اپنی رضاعی ماں  کے اصول و فروع سے نکاح جائز نہیں البتہ یہ حکم صرف اس بچہ کے ساتھ خاص ہے جس نے دودھ پیا ہو چنانچہ اس بچے کے بقیہ بھائیوں یا بہنوں کا  نکاح   اس عورت کے اصول و فروع سے جائز ہوگا بشرطیکہ حرمت کی کوئی اور وجہ نہ ہو۔

 صورت مسئولہ کے مطابق اگر واقعتاً یہ بات یقینی ہو کہ سائل کی بھتیجی نے سائل کی والدہ (یعنی اپنی دادی ) کا دودھ پیا تھا تو ایسی صورت میں  سائل کی یہ بھتیجی  سائل اور سائل کے دوسرے بہن بھائیوں کی رضاعی بہن ہوگئی ہے  لہذا:

(1،2) سائل کی بھتیجی (جو کہ سائل کی رضاعی بہن بھی ہے) کا رشتہ سائل کے سب بیٹوں  سے جائز نہیں ۔

(3) سائل کی بھتیجی (جو کہ سائل کی رضاعی بہن بھی ہے ) کے  دیگر بہن بھائیوں کا رشتہ اپنے چچاؤں اور پھوپھیوں کی اولاد میں سے کسی سے بھی کیا جا سکتا ہے بشرطیکہ حرمت کی کوئی اور وجہ نہ ہو۔

أن كل اثنين اجتمعا على ثدي واحد صارا أخوين أو أختين أو أخا وأختا من الرضاعة فلا يجوز لأحدهما أن يتزوج بالآخر ولا بولده كما في النسب ۔۔۔۔  وأخوات المرضعة يحرمن على المرضع لأنهن خالاته من الرضاعة وأخواتها (وإخوتها) أخوال المرضع فيحرم عليهم كما في النسب فأما بنات أخوة المرضعة وأخواتها فلا يحرمن على المرضع لأنهن بنات أخواله وخالاته من الرضاعة وإنهن لا يحرمن من النسب فكذا من الرضاعة وتحرم المرضعة على أبناء المرضع وأبناء أبنائه وإن سفلوا كما في النسب۔  (بدائع الصنائع،كتاب الرضاع، ج4،ص2)